Dantza ezaguna izanik, zuetako askok ez duzue jakinen Frantzian oso ezaguna dela ere bai, eta dirudienez jatorriz hortik etorria da. Guk euskaratu omen genuen Jean petit qui danse izena eta sanpetrike dantza deitu genuen, Baztanen erabiltzen diren beste urrats batzuk gehituz. Hau da bideo xelebre eta polit bat, batez ere haurrak baldinbadituzue, edo haurrak sentitzen bazarete.
Está navegando por las entradas correspondientes a la etiqueta 5. Maila.
Oso bideo interesgarria akordeoi diatonikoaren inguruan
Etiquetas: 1. Maila, 2.Maila, 3. Maila, 4. Maila, 5. Maila, Bideoak
Nere ustez, jauzi eta iparraldeko dantzen inguruko libururik hoberena, Jean Michel Guilcherek idatzia. Google booksek argitaratu du eta orain guzion eskura dago. Frantsesez izan arren, zerbait ulertzen baduzue, jo “sauts basques” sailera eta gaibegirada bat eman, merezi du.
Etiquetas: 1. Maila, 2.Maila, 3. Maila, 4. Maila, 5. Maila, Argitalpenak, Jauziak
AEBtako Kongresoko liburutegiak horrelako altxorrak ditu. Adibidez, mendeetan zehar dantzatu diren hainbat dantzen artxibo grafikoa:
Eta Giraudet izeneko batek idatzitako liburua, gaur egun dantzatzen dugun dantza aunitz deskribatzen
Etiquetas: 1. Maila, 2.Maila, 3. Maila, 4. Maila, 5. Maila, Argitalpenak
Jauzien inguruko erreferentzia bibliografiko gutxi dugu: Jean Michel Guilcher “La tradition de Basque en Bearne et Pays Basque” eta liburu hau, “Danzas de Valcarlos”, Migel Angel Sagasetarena. Orain dela hilabete batzuk digitalizatu zuten eta sarean jarri zuten, agortua dagoelako, beraz, disfrutatu.
Etiquetas: 1. Maila, 2.Maila, 3. Maila, 4. Maila, 5. Maila, Argitalpenak, Jauziak
Hau da Baztango telebistan agertu zen bideo bat, baztango ttunttuneroen argazkiaz josita. ederra, eta fondoko musika, Maurizio Elizalderen zortzikoa… aupa.
Etiquetas: 1. Maila, 2.Maila, 3. Maila, 4. Maila, 5. Maila, Bideoak
Aholku pare bat dantzaren inguruko liburuetaz.
Batzuk galdetu didate ea zerbait dagoen dantzaren inguran. Nahi izanez gero, liburutegian duzue “Dantzariak” aldizkaria. Bertan Euskal Herriko dantza gehienen inguruko informazioa agertzen da.
Beste liburu batzuk badira ere:
“Dantzak” Juan Antonio Urbeltz. Deskatalogatua, baina agian liburutegietan aurkitu dezakezue. Irudi ederrak eta edukinen aldetik, oso interesgarria dantzei gainbegirada bat emateko. Euskeraz eta Erderaz.
“Danzas de Navarra” Mikel Aramburu. Nahiz eta liburuxka izan ( oso laburra), oso ongi dago euskal dantzen aurkezpen moduan. Arina, erraza, ongi idatzia… merezi du.
“Dantzen erreformak” Joxe Miel Bidador. Mardula eta zaila batzuetan, baina oso interesgarria. Dantzen inguruko sermoiak eta aipamen ofizialak historian zehar.
“Txuntxuneroak” Carlos Sanchez Ekiza. Erraza irakurtzeko. Bere tesis argitaratu zuen joan den urtean, eta hau da emaitza. Euskal herrian izan diren txistua eta txistularien historia, egoera sozio-politikoak aztertuz, eta, jakina, harekin batera dantzarena. Erderaz. Ongi egina eta zenbait datu bitxi biltzen duena. Agian dantzaren inguruan irakurtzen hasteko nahiko egokia, Arambururen liburuarekin batera.
Aprobetxatu eta ongi pasa zubian, irakurtzen, jakina.
Etiquetas: 1. Maila, 2.Maila, 3. Maila, 4. Maila, 5. Maila, Argitalpenak
Iruzkinak :: Comentarios